Skilmálar
Höfundaréttur
Allar myndir falla undir höfundarétt ljósmyndara, Steinunnar Matthíasdóttur.
Um höfundarétt gilda höfundaréttarlög nr. 73/1972.
Lögum samkvæmt felur afhending ljósmynda til viðskiptavina ekki í sér framsal á höfundarétti né heimild til að breyta myndunum á nokkurn hátt. Samkvæmt höfundaréttarlögum er kaupanda óheimilt að framselja myndirnar til þriðja aðila.
Birting ljósmynda
Ljósmyndari áskilur sér rétt til að birta ljósmyndir nema um annað sé samið sérstaklega.
Þegar myndataka er bókuð samþykkir viðskiptavinur ljósmyndun og aðra vinnslu ljósmyndara, þar með talið myndbirtingu, í samræmi við skilmála þessa, sbr. lög um persónuvernd og vinnslu persónuupplýsinga nr. 90/2018.
Meðhöndlun ljósmynda
Óheimilt er að hlaða niður myndum af síðum ljósmyndara, fjarlægja merkingar, skera eða breyta myndum á nokkurn hátt. Þegar myndum er deilt á samfélagsmiðla skal gæta þess að uppruni myndanna sé augljós.
Keypt afnot mynda
Þegar keypt eru afnot af ljósmynd afmarkast notin við samning ljósmyndara og kaupanda í hverju tilfelli. Óheimilt er að framselja afnotarétt eða nýta myndir í öðrum tilgangi.
Keypt myndataka
Viðskiptavinur getur birt myndir á samfélagsmiðlum en virða skal höfundarétt skv. ofantöldu.
Myndirnar eru til einkanota og ekki heimilt að nýta þær í auglýsingaskyni nema samið sé um annað.
Myndapakkar bjóða ýmist upp á að ljósmyndari velji myndir eða viðskiptavinur. Í þeim tilfellum sem viðskiptavinur velur úr sýnishornum er valtími almennt vika og albúm lokast eftir það.
Afhending og greiðsla
Ljósmyndari áskilur sér rétt á 2-10 vikna tíma til myndvinnslu sem ræðst af eðli töku og vinnuálagi.
Greiðsla skal hafa farið fram fyrir afhendingu mynda.
Myndir sem eru afhentar í rafrænu formi eru sendar á tölvupóstfang kaupanda gegnum forrit.
Verðskrá getur breyst án fyrirvara. Þegar bókun er staðfest gildir útgefið verð ljósmyndara.
Myndir fyrir prent eru 30cm á lengri kant. Vinsamlegast hafið samband ef óskað er eftir myndum fyrir stærri prentun.
Hægt er að kaupa gæða ljósmyndaprent hjá ljósmyndara.
Ljósmyndari ábyrgist ekki útkomu prentunar hjá öðrum aðila.
Almennt
Við kaup á ljósmyndaþjónustu staðfestir viðskiptavinur ofangreinda skilmála.
Brot á höfundarétti ljósmyndara og skilmálum þessum varða við höfundaréttarlög og áskilur ljósmyndari sér allan rétt vegna slíkra brota.
Kaupandi ljósmyndaþjónustu ber ábyrgð á varðveislu mynda eftir afhendingu.
Hægt er að undirrita skilmála með því að smella hér